Al wat in ‘t bedde wordt besproken

Posted by  ivan.vanherpe@westhoek.net   in       10 months ago     371 Views     Leave your thoughts  

Haal joen handen uit mijn zak of je g’raakt in den bak


D’ er is geen haaste bie zei den dokteur als ‘t nen è brieftje schreef voor den doden.


Geld is de ziele van al de zoaken.


Een goen general begunt als recruut


Hij doet mee voor de groenen koas (voor spek en bonen)


Van de warme komt de liefde


Hij is zo moager lijk een puppesteele


Hij ziet geiren de natuur, moar nog liever een nat uur


Spiering en vis stinkt moar als ‘t hij gevangen is


Ze heeft geen suiker nodig want ze is zoet uit heur eigen


Hij zal van zijn verstand niet ziek worden


Beter zulk were dan geen were


Kort en dik is ongeschikt, lang en smal is niemendal, maar middelmoate versiert de stroate


Dat is een lachje da gaat eindigen up è schreeuwtje


Weinig te late is vele te late


Wie de lere wil beklimmen moet van d’onderste sporte begunn’n


Wie bie de flassche zit, zegent zijnzelven


Stoefers zijn meestal lafaards


Al wat in ‘t bedde wordt besproken moet met de lakens worden gedoken


Hij is te breed voor è serviette en te smal voor è tafellaken


Schonigheid en coleire liggen dikwijls onder één laken


Vroeg rap, vroeg lam


Een jonge ooie en een ouden ram geven ‘t noaste jare een lam


Wie de zee kan uitdrinken komt met droge voeten thuis


Kloeke geesten en kundige handen worden gevoed in alle landen


Gauwe is dood en trage leeft nog


Al heeft een hoere een schoon gezicht, ze bluuft een lanteirne zonder licht


Een driedaagse gast is een last


Hij spreekt Latijn lijk een zwijn


Laster is nooit uitgeput


Ze zit met è lastertongetje


Hij snurkt lijk een oud bedde


Buikleer rekt wel


Rondom lelijk is de beste remedie tegen de liefde


Ze is te lelijk om up è schoon bedde te liggen


Lui, lekker en vele meugen zijn drie dingen die niet deugen


Ge vangt meer vliegen met een lepel siroope dan met een vat vol azijn


Menen en missen begunn’n met de zelfste letter


Leugens met steirten


Eens mans leugen is een vrouwes trooste


Hij heeft in de leugenpuupe gebloazen


Wat nu waar is zal morgen geen leugen zijn


Een lekker leven maakt een mager testament


Goe bier maakt kwade menschen


Liever krijgt niet ossan zijn gedacht


Als armoe deur de deure binnenkomt vliegt de liefde uut de venster


‘t Komt van de liefde zei Jerome en hij kuste zijn vrouwes billen met een schuimspaan

No Comments

No comments yet. You should be kind and add one!

Leave a Reply

You can use these tags:   <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>