Als niemand joen verstoat

Posted by  ivan.vanherpe@westhoek.net   in       2 years ago     476 Views     Leave your thoughts  

Ge moet ossan eerlijk zijn, zelve o’j ‘t nie meent.

Nu en toen moe’j e kee stoppen om te peinzen. Moar je meugt nie vergeten van toen weer aan te zetten.

Iedereen heeft recht op mijn meeninge.

Ge meugt nooit togen an joen compjoeter da’j gepresseerd zijt.

De gemiddelde vrouwe heeft meer snelligheid dan verstand omdat de gemiddelde vint beter kan zien dan datte’n kan peinzen.

O’t olles ol mislukt is en d’er nieten goat, lees toen misschien toch moar e kee ’t instructieboekjse.

’T is nie omdat niemand joen verstoat da’j doa voaren nen artiest zijt hé!

Vergeeft joen vijanden, moar onthoud hunder noamen.

Ne mens die benauwd is om of te zien, ziet af omdatten benauwd is.

De leegoard ofgeven is nieten meer dan bluuven zitten om toch moar zekers nie moe te komm’n.

’T is nie belangrijk wien of hoe da’j geiren ziet moar wel da’j geiren ziet.

Ge passeert ossan mislukkingen up joene weug noar succes.

Het leven is moar e korte reize; profiteert d’ervan!

‘T leev’n kan ollene moa verstoan worden o’j ’t terug spoelt, moar moe wel geleefd worden in voruut.

De maniere woarup we uuze doagen vullen is dezelfste maniere lik da we us leev’n vull’n.

’T leven is somtijds meer worstelen dan dansen.

Droomt da’j voor ossan goat leven, leeft lik da’j morgen goat doodgoan.

No Comments

No comments yet. You should be kind and add one!

Leave a Reply

You can use these tags:   <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>