De lengte van è minuute

Posted by  ivan.vanherpe@westhoek.net   in       1 month ago     63 Views     Leave your thoughts  

Om innerlijke rust te krijgen moe’j vorsdoen en afmaken wuk da’j begunnen zijt.

Ook al hèj miserie met etwodde, je moet doarom zelve geen miserie zijn.

Je zie pas joen vrouwe of joene vint geiren o’j ze of hem nie wilt verbeetern.

D’er zijn menschen die van olles zou’n doen, om toch maar nieten te moeten doen.

Van al de dingen da’k ooit verloren zijn, misse ‘k ik mijn verstand het meest.

W’en t’ol gezien en gedoan, moar we zijn ’t meeste d’ervan vergeten.

Vandoage is de morgen woar over da’j gisteren sikaneerde.

Uuze geest bestoat uut stief veel goe gedachten, ’t is olliene nie gemakklijk om d’er een uut te peuren.

D’er is een stijve groate gliekenisse tussch’n è slekke en ne mens: ge moe joen nekke uitsteken om vooruut te kunn’n goan in ’t leven.

Leert joen regenbogen te tellen in platse van joen kwoa vloagen.

‘T is beter van een kleen bitje te verstoan dan heel vele mis te verstoan.

Ge moet leren van ’t verleden, leven voor vandoage, uitkijken noar morgen en vandachternoene è tukske doen.

D’er bestoan 3 soorten van menschen: menschen die leren deur te lezen, menschen die leren deur goed te kijken en menschen die leren deur under vingers te verbranden.

Ge moet joen ogen goed openhouden voor da’j trouwt en half sluiten o’j getrouwd zijt.


Ge meugt nooit rapper rien dan joen engelbewoarder kan vliegen.

De lengte van è minuute kan serieus verschillen o’j an de buutekant van è WC deure stoat bie da’j ol an de binnekant zit.

Het is gemakkelijker moaten te moaken met joen oren dan met joene mond.

Als karoten zo goed zijn voor de ogen, woarom liggen d’er dan zo vele doa keuns langsten de bane?

No Comments

No comments yet. You should be kind and add one!

Leave a Reply

You can use these tags:   <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>