Heks betovert paard

Posted by  ivan.vanherpe@westhoek.net   in  ,      2 years ago     529 Views     Leave your thoughts  

Heks betovert paard
In Houtkerque, op een hofstee ‘t was oltied etwod, ‘t peerd hadde dikke poten of ‘t was etwod anders en ze gingen naar de paters van leper. Ze kregen als raad van naar huis te gaan. Ze gingen weten wien dat ‘t dei, wien dat er met nulder speelde, maar ze mochten ‘t niet zeggen. En ‘t was een vrouwmens die berecht geweest hadde twee dagen te voren en ze kwam halfwege ‘t hof en ze koste niet verder. Zij trappelde daar rond een tijdje lietje, en ze vroeg van verren: “Hoe is ‘t met ‘t peerd?” en ze ging vors. Dat waren machtige mannen.

Heks betovert varken
M’ hadden een zwijn die moste jongen, ‘t Was een goed, en me deien ze nog een keer bij den beer en ze jongde niet, en neur tijd kwam, en dat zog kwam, ‘t was lijk bedorven melk. En de zondagnuchtend, ‘t was een jong, ‘t hadde een snuite gelijk een olifant. Dat was ook een van X’s toeren.

Toverheks betovert koe
Thusend ‘t is daar een frontierwegeltje, ‘t was daar nog maailand. Ze kwam al dat wegeltje met blauwgoed. ‘k Was ik aan ‘t melken, en ‘t passeert daar een mensche en zij kijkt ossan. “Mens, zeg ze, dat moet een goe koe zijn” en die koe ze was bekalfd geweest en ze kalfde nooit, en als ze toen kalfde, ‘t was lijk een hondige. Die koe was in ‘t gas gedaan en dat vrouwmens passeerde weere en die koe kwam gelopen lijk een hoorndulle koe. Z’ is daar deur de beke gezwommen lijk niet, en ze liep achter dat vrouwmens. Ze moste het algelijk weten. Dat heb ik gezien. Hoe kan die koe dat weten zou je peizen.

Louis Desmyttere (Hondschote) en Silvie Deschyttere (Haringe) in ‘Sagen weerszijden de Schreve’ van Anne-Marie Devynck (1967)

No Comments

No comments yet. You should be kind and add one!

Leave a Reply

You can use these tags:   <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>