O’j z’ ollemoale op è reeke hebt

Posted by  ivan.vanherpe@westhoek.net   in       2 years ago     597 Views     1 Comment  

Wien da regelmatig zijn hage scheirt, moe nooit geen dikke takk’n zoagen.

Het duurt joaren om nen ouden vriend te komm’n.

Den dee’n die vele babbelt hoort weinig nieuws.

O’j z’ ollemoale op è reeke hebt, moe’j uppassen van ’t domino effect.

E percent hulpe is beter dan honderd percent compassje.

Den dezen die nie geniet wordt ongenietbaar.

Missen is menschelijk, etwien de schuld d’ervan geven is nog menschelijker.

Een schilpadde kent beter de weug dan ne’n hase.

Entwie leren kennen is den eersten stap om hem te verstoan.

Der bestoat niemand die up twee paar schoenen ku’t lopen.

Zie ‘j nog wel wakker o’j nie meer kunt dromen?

Menschen die etwot te zeggen hebben, hebben dikwijls eerst ol goe geluisterd.

We hebben de weireld nie gekregen van onze ouders, maar houden hem olleene in bruukleen van uzze kinders.

Wacht nooit tot later om etwot te doen, want o’s ”later” etwot te vroeg komt, zij ‘j te loate.

Van een schouderklopke is ’t er nog nooit etwie gekwetst geweest.

Nen olven ‘n appel is even lekker lijk nen helen.

Den dezen die de deure hard achter hem toeslaat moet uppassen dan zijn vingers d’er nie tusschen zitten.