Palullen om joene buik te vullen

Posted by  ivan.vanherpe@westhoek.net   in       8 months ago     272 Views     Leave your thoughts  

Spreekwoorden uit Frans-Vlaanderen (genoteerd in 1858)
1 . Met a glas me proeft an tunne.
2. Vuilen pot, vuilen poellepel.
3. Zuk volk, zuk wierook.
4. Wuk goaye doa van al goan zeggen?
Pannekoeken en zyn geen weggen ;
Moa ’t zyn paelullen,
Om you buik te vullen.

5. ’t Is ol butter oan de golge èplakt.
6. Hebben is hebben en krygen is de kunste.
7. ’t Is ol moeyelyk oude aepen te leeren greezen.
8. Ol hout en is gè tummerhout.
9. Olle boate halpt, zei de muis, en hè piste in de zee.
10. ’t Is beter a luis in de pot os gee vet.
11. Geeft den boffer a brood, den klaeger en hè geen nood.
12. Hè dromt. van pladokken, hen ét geiren platvisch.
13. Z’en de vespers vor d’hoogmisse ézongen.
14. Hè wult den duivel up akussen bin’hen.
15.. Dat is sinte Pieter up onzen Heere leggen.
16. Me wit nie hoe an koe an hoaze vankt.
17. Elk zyn goeste, zei den boer, en h’en oat ze kin’s papschuttel.
18. Hoe slechteren tyd, hoe meer rats.
19. ’t Geld slacht de spreeuwen, ’t lopt by hoopen.
20. Gemeene goed en is gêe goed.
21 . Een is eene, twee en is moar eene en drie is a paesch-ey.
22. Lachen met de Goden en spuigen in den tempel.
23. Leeg vel, rekt wel, lan’he stokken sloan wel.
24. Krauwt den ezel on’her ze steirt, ye krygt moa s. . . .
25. Me muut ouk oltemets a keisje doen brannen voo den duuvel.
26. He volt van ’t rat up ’t waegewiel, van den oever in den dyk.
27. Os d’eene koe byst, d’ander heft heuren steirt up.
28. ’t En goa moa lyk te Berthen uere sloan.
29. ’t Goa lyk te Pradelles kloppen.
30. Zwicht ye van waels en Niewkerknoars; de braeve menschen en goa ye nie strossen.
31 . Weu’yet nie g’loven, goa noa Cassel boven.
32. Dat goat ollemonds toe g’lyk Poperings bier.
33. Hè goat ol stulletjes weg, g’lyk de Broxelnaers dansen.
34. He goa leeren mê Looten weunen.
35. Hè kykt lyk an katte die sneeuw lekt — lyk an uil in an ankergat.
36. ’t Is tristig lyk an oudewuufs kerkgank.
37. ’t Zyn ol wissen van den zelven trounk.
38. Boeren en borgen niet.
39. Al lachen zegt den zot de woarheid.
40. As me’n koe scheirt, me kykt up gên hoar.
41. Die de naem hêt van vroeg up te stoan meugt lan’he slaepen.
42. ’t En è nie ènoeg van te dansen, ye muul de veele verstoan.
43. Hè makt van den ezel om gruis te krygen.
44. Eten vôr de kost en slaepen vô d’huisheure.
45. Nieuwe bezmers vaegen wel.
46. An kerremisse is wel an gisselin’he weird.
47. Hè muut assan den lêsten man den zak upgêen.
48. Nie en han’helt, nie en brêkt.
49. Die gén koen en hêt en muu gên gas pachten.
50. Duivels zak en ê noyt vul.
51 ’t En ê nie al èweten die onder Reuse passeirt.
52. Den onbekenden maekt den onbeminden.
53. De stoutste wezels zuipen de beste eyers.
54. Nie fynder of de menschen, ze goan d’aepen te boven.
55. Die zyn billen verbrand muut up de bloaren zitten.
56. Roaders en zyn geen betaelders.
57. Dat is wullen den duivel up a kussen bin’hen.
58. Die geeft wat by heeft is weirdig dat hy leeft.
59. Den broek lappen lappen en ’t goaren toegêen.
60. Boomen en kommen makan’hers nie tegen; moa menschen wel.
61. By den duivel te bichten goan.
62. Os me blind word. ’t komt eerst aen d’oogen.
63. He sloat d’rup lyk Stoffel up zyn katte.
64. He komt ter deure lyk Kobas veugel.
65. He goa zy wittebrood vooren eten.
66. Van verzet ’t komt belet.
67. Elk nageltje ken zy last dragen.
68. Trauw ye a zot om zy kot, ye verliest ’t kot en y ‘houd de zot.
69. ’t En is nie assan kerremisse woar ’t vantje uitstikt.
70. Spoaren os yet hêt, en spoaren os yet nie en hét, ’t is ossan spoaren.
71 . Os de lugt go vollen, we goan ol d’roun’her zyn.
72. ’t En is moa van ennen zworten pot da ye begrimmelt zyt.
73. Oud zot is duivels zot.
74. H’en is in gên kanne ‘ekwekt, of d’huile wos oopen.
75. Me meu gên hooi in d’heize loaten.
76. Gemak vor eere.
77. Ider huis hê zy kruis.
78. Os ’t hennetje vor ’t hoantje kroayt, ’t Goa dikkers ol bekoayt.
79. Etwot, God zal etwot verleenen, brood of dood.
80. De weireld is an bolle, we droayen ol a litje.
81 . Dat is ol boos, a muizenest in de kattes oore.
82. Twee meesters in an huis
Twee katten up a muis
Twee honden up a been
Kommen zelden overeen.

83. ’t Is an erm preken woa datter gên gelove en is.
84. Niet en wét, niet en deirt.
85. Hoog ziet, veele ziet; veel klapt, veele liegt.
86. An haep die blet, verliest zyn béte.
87. ’t Is ol verlooren vlaemsch, en de waels n’en ’t zoo noodig.
88. Etwien pap in den mond geen.
89. Dat is scheiren zonder zeepe.
90. Twee keyssen en a vier, ’t makt alle man bystier.
91 . Hè klapt lyk a boek en hè spuigt letters.
92. ’t Eerste gewin is koppe gespin.
93. Twaelf ambagten, dertien ongelukken.
94. Os den vos de passche prêkt, boeren wacht uw ganzen.
95. Me meu zoayen noa den zak.
96. Doar en is gee korne zon’her kaf.
97. De gierigheid bedriegt de wisheid.
98. Zegt da ye an ezel zyt, ‘k goa ye brillen.
99. We goan die puyt biechten, ’t is a groenen.
100. Klaps en vullen geen zacks.
Uit Annales de Comité Flamand de France van 1858-1859

No Comments

No comments yet. You should be kind and add one!

Leave a Reply

You can use these tags:   <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>