‘t Siepen en ‘t Saepen van Hazebrouck

Posted by  ivan.vanherpe@westhoek.net   in  ,      4 months ago     226 Views     Leave your thoughts  

‘t Siepen en ‘s Saepen goun’hen te goare om hout te raepen, ‘t Saepen en wilde geen raepen, en ‘t Siepen en vounk geen.

Ze kwaemen eenen stok teegen. ‘Stok, stok’, sloat ‘t Siepen, ‘t Siepen en wilt geen hout raepen; en wul nie noar huys goan zon’her èdreegen te zyn. ‘Woarom zounke ‘t Siepen sloan? ‘t Siepen en hè me nie misdoan.’

Ze kwaemen en happe teegen, ‘Happe, happe’, splyt den stok, hen wul ‘t Siepen nie sloan.’ ‘Woarom zounke dien stok splytten, dien stok hè me nie misdoan’.

Ze kwaemen e vier teegen: ‘Vier, vier, brant die happe, z’en wult den stok nie splytten!’ ‘Woarom zounke die happe goan branden, d’happe en hè me nie misdoan.

Ze kwaemen e woater teegen. ‘Woater, woater, bluscht dat vier, ‘t en wul d’happe nie brannen.’ ‘Waarom zounke dat vier blusschen, ‘t vier en hè me nie misdoan.’

Ze kwaemen e koe teegen. ‘Koe, koe, drinkt dat woater, ‘t en wul ‘t vier nie blusschen.’ ‘Woarom zounke dat woater drinken, ‘t woater en hè me nie misdoan.’

Ze kwaemen e reep teegen. ‘Reep, reep, bindt die koe, z’en wul ‘t woater nie drinken.’ ‘Woarom zounke die koe bin’hen, de koe en hè me nie misdoan.’

Ze kwaemen e rat teegen. ‘Rat, rat, knaegt dien reep, h’en wult de koe niet bin’hen.’ ‘Woarom zounke dien reep knaegen, den reep en hè me nie misdoan.’

Ze kwaemen e katte tegen. ‘Katte, katte, vangt dien rat, h’en wul den reep nie knagen.’ De katte stelde ‘t op è loopen achter den rat; den rat achter den reep, den reep achter de koe, de koe achter ‘t woater, ‘t woater achter ‘t vier, ‘t vier achter d’ appe, d’ appe achter de stok, de stok achter ‘t Siepen en ‘t Siepen steldet zo doanig op è loopen datten nog loopt.

Uit ‘Quelques recherches sur le dialecte Flamand de France’ door E. De Coussemaker (comité Flamand de France in 1858-1859)

No Comments

No comments yet. You should be kind and add one!

Leave a Reply

You can use these tags:   <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>