Ne vent die peinzt dat’ten slimder is dan zijn vrouwe, hèt è hele slimme vrouwe.
Nen appel eten olledoage houdt den dokteur buuten, nen andjoen olledoage houdt iedereen buuten.
Een optimist lacht om te vergeten, nen pessimist vergeet van te lachen.
Ge moet deur de voorruitte kijken noar joen leven en niet deur den achteruitkijkspeegel.
Mijn grootmoeder had è boerderie, ik heb nen hof, .. en mijn dochters hebben nen dozenopendoender.
Ne mens goat troagst van al dood met è goe gezoendheid.
Spek en eiers? E poar doagen werk voor een kieken moar è leven lang werk voor è zwien.
‘K peizzen da sex beter is dan logica, moar ‘k kanne ’t nie bewijzen.
Het verschil tussen onwetendheid en apathie? ‘K zoun ’t nie weten en ’t interesseert mijn eigentlijk ook niet.
De kunste van creativiteit is joen bronnen goed te kunnen wegsteken.
Achter iederen succesvollen vent stoat er een verbaasde schoanmoeder.
Getrouwd zijn is geven en nemen. De vinten geven nie veele, omdat de vrouwen ‘t toch ol pakken.
O’j joenk zijt zijn de dagen kort en de jaren lank. O’j oud zijt zijn de dagen lank en de jaren kort.
De beste smoettinge voar vrouwen is ne schoanen lach.
Goe kaarten krijgen is nie belangrijk in ’t leven. Vele belangrijker is goed te spelen met de kaarten da’j gekregen hebt.
’T eerste deel van joen leven ej problemen met joen oeders, ’t tweede deel van joen leven met joen kinders.
We leven ollemoale onder dezelfsten lucht en toch he’n we ollemoale nen and’ren uutkijk.
D’ enigste maniere om nen droom woarheid te maken is wakker te kommen en d’r an te werken.
Nostalgie: een goe gedacht hebben over dingen da’j nie geiren deij.
Plezier en miserie moe’j delen met mekoar: da’s dubbel plezier en den heilft van de miserie.
Een rookpauze in è restaurang is lijk een pispauze in è zwembad
Nen karaokebar: menschen die nie meugen drinken en die nie kunnen zingen.
Uzze verjaardagen zijn lijk pluumptjes in de grote vleugels van den tijd.
’T leven is goekoop, maar de opties zijn redelijk kostelijk.
O’j droenke geweist zijt, meug je nooit kwoad zijn up ’t bier.
Ge moe niet drinken om joen problemen te verdrink’n want de rotzakken kunnen zwemmen.
Alle stellingen en waarheden zijn vals, de deze inbegrepen.
Blend zijn van herte is gevoarlijker dan blend zijn met joen ogen.
De enigste maniere om vrienden te moaken is d’er zelve een te zijn.
O’j nie tegen de warmte kunt moe’j de stoove nie ansteken.
Het geluk is lijk è kattepoeze: ge moe ze nie proberen te pakken, want ze komt zelve wel tegen joen benen wrijven.
We zijn wat da we olle doagen doen.
Contentement is de grootste rijkdom van ollemoale.
’T is moeilijk in andermans maage te kijken.
Als een luuze met hoenger vlees vindt, zou ze deur ’t been bijten.
Waar dat er beuter is, zijn d’ er vliegen.
Hoenger maakt de beste sause.
Ge zoudt beter eerst kijken naar de moeder’s manieren voar da’j met de dochter trouwt.
’T is een triestige menoage als ’t henneke luuder kroait dan den hoane.
Een schoonmoeder is ossan vergeten da ze schoondochter geweest is.
7/5 van ol de menschen verstoan geen breuken.
Koleire is ne toestand waarin da je toenge rapper werkt dan joen verstand.
Een forelle in de panne is beter dan en zalme in de zee.
Ge moe kijken met joen geest en luisteren met joen herte.
Bier en toebak is ’t antwoord, moa wuk was de vroage were?
Ge zijt ol zo gelukkig, lijk da’ j peizt da’j zijt.
Het huwelijk roept iedereen, ook de menschen die ’t beter weten.
‘T beste systeem bie ruzie met joen vrouwe? Babbelen tot da ze gelijk krijgt.
Hoe meer dan de dingen veranderen, hoe zotter da ze bluuven.
Stoppezot zijn is erfelijk, ge krijgt da van joen kinders.
‘K heb maar van één ding spijt in mijn leven: da ‘k niemand anders zijn.
Bigamie: één vrouwe te veel hebben. Monogamie: ook één vrouwe te veel hebben.
Gelukkig zijn vroagt nu en toen een inspanninge.
Past up van de koleire van ne stillen mens.
Binst da we bezig zijn uuze kiendjes olles te leren over ’t leven, leren uuze kiendjes us wa dat ‘t leven echt is – Olles is kluchtig in ’t leven zolange da ’t moar gebeurt met entwie anders –
Thuus zijn is de beste uutvindinge da z’ ooit gedoan hebben.
Zo verward zijn lijk ne zuugelink met hoenger en dust in nen topless bar – Hij is zo content lijk een zwien in de moaze – Hij is al zo welgekommen lijk è scheete in een telefongkotje.
’t Is hier doenkerder dan in de binnekant van è koeibeeste.
–
’t Is best van joen vingers te tellen, achter da’j hem nen hand gegeven he’t.
–
Ge stopt nie van lachen o’j oud komt, moar ge komt oud o’j stopt van lachen.
Maakt liefde of maakt oorloge. Of doet de twee tegoare: trouwt.
Nieten droogt rapper dan tranen.
Ge ku’t niet schuiffelen en drienken tezelfder tidde.-
Ne mens die meer wilt dan datten verdient, verdient meer dan datten wilt.
West-Vloamsche wiskunde:
als A geluk is, dan is de formule: A= X+Y+Z.
X= werken, Y= de speelveugel ofgeev’n – Z = of en toe è pientje drienken.
Ge kent de snelheid van ’t licht en van ‘t geluud, moar wuk is de snelheid van den doenkeren eigentlijk?
Oj gelijkt an joen pasportfoto zoej beter è keer noar den dokteur goan.
Okke dertiene was, peizde ‘k ik da mijn noame “zwijgt kleenen” was.
D’ er is niemand die luustert en kijkt noar joen… tot da’j e keer e misse makt – O’t nie lukt van d’n eerste keer dan is parachute-sprieng’n nieten voor joen – ’T schoanste van den toekomst is dat ‘t ossan maar morgen begunt –
O’j olle redens hebt om kwoad te zijn, moe’j leren lachen en content te zijn zonder reden.
’T leven moe niet echt perfect zin om schoane te zin.
‘K he’n ne black out en ne déjà-vu up ’t zelfste moment: ‘k moet’n da vroeger ook ol vergeten zijn zeker?
Het is gie zelve die d’n boek van joen leven schrijft.
Lacht e kee: ’t verbeetert de weirde van joen oanzichte!
Ne zot en zijn geld zijn rap were weg.
O’j nie snel zit uut joen eigen, moe’j joen nie te vele wasschen en poelieren.
’T leven is zo simpel lijk pi: 3,141592653589.
Liefde is blend, moar getrouwd zijn repareert joen ogen.
Nen echten moat is etwie die deur joen kikt en toch appreciëert wat ‘t en ziet.
Laat joen zuster nooit joen hoar kammen o’s ze kwoad is.
De woarheid komt noar boven o’t ’t bier noar beneden goat.
Ne vent is nen echten vent als zijn vrouwe en echte vrouwe is.
Mijn lievelingskleur is schjokla.
Hoe meer da’j zoagt en hertefret, hoe langer da’j moe leev’n.
E probeerde te peizzen, moar d ‘er gebeurde nieten.