Den dezen die vele werkt, he’t geen tijd om geld te verdienen.
Die twee honden kunnen toch wel erg moeilijk akkoord geraken over dat ene been!
Het is gie zelve die het boek van joen leven schrijft.
Lacht è keer: het verbetert de weirde van joen oanzichte!
Hoe meer da’j zaagt en hertefret, hoe langer da’j moe leven.
E probeerde te peinzen, mar d ‘er gebeurde nieten.
Hoe rapper da’j stapt hoe kleiner da’j zijt.
Ge kunt het niet al hebben in ’t leven, waar zou je ‘t trouwens al leggen?
Hij is al zo subtiel lijk e vliegende brieke.
Ze heeft meer roempels dan ’t gat van nen olifant.
E’n is zo verward lijk Adam up moedertjesdag.
E’n is o zo nerveus lijk nen kalkoen up kerstdag.
De toenge van ne mens kan meer snie’n dan ’t scherpste mes.
Onthoud dezen gouden regel: wie da ’t goud heeft, maakt de regels!
Ol da’j moet doen is oasemen, de reste is èn optie.
Past up voor joen karakter, anders gaat joen reputaatje voor zijn zelven zorgen.
Ge zoudt beter eerst kijken naar de moeder’s manieren voar da’j met de dochter trouwt.
’T is een triestige menoage als ’t henneke luuder kroait dan den hoane.
Een schoonmoeder is ossan vergeten da ze schoondochter geweest is.
O’j niet schoone gekommen zijt voor joen twintigste, nie slim voor joen dertigste en nie rijke voor joen vijftigste gaa’jt nu ook nie meer kommen.
D’er zijn menschen die van olles zou’n doen, om toch maar nieten te moeten doen.
Van al de dingen da’k ooit verloren zijn, misse ‘k ik mijn verstand het meest.
W’en t’ol gezien en gedoan, moar we zijn ’t meeste d’ervan vergeten.
Vandoage is de morgen woar over da’j gisteren sikaneerde.
Een sigarette is è bitje toebak gedroaid in papier da brandt aan d’enen kant en waardat er ne zot an d’n anderen kant hangt.
Der zijn ossan oortjes aan d’n anderen kant van de meur.
‘T is nie gemakkelijk om ol joen vingers even lank te maken.
Geen goe memorie? Probeert een keer etwot te vergeten!
Gierigoards zijn gin plezante menschen, maar wel plezante voorouders.
Zwijgen is de beste maniere van communicoatje.
Die plekke hier wos van te voaren leeg.
’T leven is goekoop, maar de opties zijn redelijk kostelijk.
O’j droenke geweist zijt, meug je nooit kwoad zijn up ’t bier.
Ne veugel ku’j herkennen an zijn liedje, ne mens ku’j herkennen an zijn woorden.
Een beslissinge gepakt ’s nachts, kan dikwijls veranderd zijn ’s nuchtens.
De weireld is wat dat uuze gedachten d’ervan peizen.
Liefde is blend, vriendschap sluit joen ogen.
Hipatitis: cool zijn voor d’ reste van joen dagen.
Een evenwichtig dieet: è droge stutte in olle 2 joen handen.
Zo verward zijn lijk ne zuigeling met honger en dorst in een topless bar.
Hij is al zo content lik een zwijn in de mooze.
Hij is al zo welgekomen lik een schete in een telefoonkotje.
In ‘t land van Ribbedebie
waar de kiekens deur hunder gat kroaien
en de honden met hundern steirt bassen
’t Nazomerken van Allerheiligen en kan voor den winter niet beveiligen. (De nazomer, of S. Michielszomer.)
Sinte Marlijn | vuer en warme wijn!
De misse van sinte Merten brengt ons den winter dikwils herte.
Dat is een kieken van den ouden hane. Reninge, Pollinkhove.
Hij heeft een aardje naar zijn vaartje.
De twaalf lotdagen zijn in het volksgebruik van verre en dichtbij bekend. Soms rekent men op de twaalf dagen vóór kerstdag: dit zijn de ‘jours compteurs’ in Frankrijk; dan weer op de twaalf dagen tussen kerstdag en dertiendag: dit zijn de ‘Zwölften of Losetage’ in Duitsland, de ‘jours des lots’ in Frankrijk.
Hij was zo verschoten bij zijn geboorte, datten twee jaar gewacht et om te babbel’n.
‘T grootste plezier in ‘t leven is te doen wat dat de menschen zeggen da’j nie kunt .
Het geheim om joenk te bluuv’n is eerlijk te leev’n, troage te eet’n en te liegen over joen ouderdom.
Hoe dikker ’t gat hoe groter de broek.
Den dezen die ’t onderste ut de kanne wil, krijgt ’t deksel up zinne kop.
Ge moet uplett’n van ’t achterste van è peird en ’t voorenste van è vrouwe.
Ge moet joen brood niet smeiren voordat ‘t in stutten gesneden is.
Nieten gevaarlijker dan è grote gedachte in è leeg hoofd.
Ge kunt het doen of het kunt het laten. Maar ge kunt het ook laten doen.
Zie geiren joen bedde lijk da jezelven geirn ziet.
Rust overdag goed uit, zodat je ’s nachts goed kunt sloapen.
Doe zo weinig meuglijk, of loat het zo nodig deur etwie anders doen.
Ik moesten entwodde vergeten, moar ‘k weten nie meer wukke.
Egoïsme ku’j beter voor joen zelven houden
Vijftig jaar zijn is ne geestige leeftijd; vooral o’j zelve tjestig zijt.
Nen leelijken mens kan zekers è schoane binnenest hebb’n.
Hij is zo leelijk dat’n zelve geen peirdooge durft te eten.
Den dezen die ossan naar zijn gebeurs kijkt, verdroait up nen dag zijn nekke.-
Nen slimmen schipper he’t ossan goen wind.-
Ne stap achteruit zetten bringt joen dikwijls vodder dan tien stappen vooruit.-
Humor en kamelen zijn dingen woarmee da’j deur idd’re woestinne kunt trekken.
O’j z’ ollemoale op è reeke hebt
Kleene kindjes moe’j diepe wortels geven en grote kinders moe’j goe vleugels geven.
Iedere minutte da’j sikaneert over ’t verleden gaat af van joen toekomst.
“Happy Hour” begint niet tusschen te zessen en te zeven in ‘t café, moar ’s nuchtens o’j upstaat.
Kanniboalen eet’n niet geiren clows: ze smoaken zo kluchtig.-
Ge meugt ‘t leven niet te serieus pakken, want ’t bluuft toch niet deuren.
Ik kunnen junder vertellen da’k nie geiren gezien wos van mijn moeder. Mijn speelgoed in ’t bad wo’s ne broodroaster en ne radio.
We hebben het al gezien en gedaan
Aan veertig joar begunt joen geest olles goed te verstoan en begunt joen lichoam olles te verliez’n.
Vroeger peizde k’ik ossan da k’ik besluiteloos was, moa nu benne k’ik da zo zeeker nie meer.
Nog twee doagen en morgen goat gister’n zijn.
Ne vent up pensioen is ne vultijdschen job voor è vrouwe –
Roddels verspreiden gaat even goed lijk zachte beuter up joen stutten smeiren –
Aan 20 jaar zitten we d’ermee in wuk da de menschen peinzen van us, aan 40 jaar zijn we gerust in wuk dat de menschen peinzen van us en aan 60 jaar he’n we ontdekt dan de menschen hele-gansten niet peinzen an us.