Als ’t niet lukt van de eerste keer

D’ er is niemand die luustert en kijkt noar joen… tot da’j e keer e misse makt.

–

O’t nie lukt van d’n eerste keer dan is parachute-sprieng’n nieten voor joen.

–

’T schoanste van den toekomst is dat ‘t ossan maar morgen begunt.

–

Smeirige woorden ku’j nie ongedoan moaken.

–

Ge moet joen beste kostume niet an doen o’j wilt spelen bij de zwiens.

–

E reize van vuuf duust kilometers begunt met e betoalinge an ’t reisbureau.

–

O’t de mens afkomstig is van d’ oapen, waarom zijn d’ er toen nog oapen?

–

’T is roar da schoapen nie krempen o’t reint.

–

Egoïsten hebb’n één voordeel: ze klappen nie over andere menschen.

–

’t Is toch wel vreed dat de letter “s” voorenkomt in “lispelen”.

–

O’j de woarheid nie kunt vinden woar da’j zijt, woar goaje ‘t toen wel vinden?

–

E bitje zeepe en woater he’n nog nooit etwie vermoord.

–

D’ er zit zodanig vele vuul in zijn oren da’j d’er petatten kunt in planten.

–

Echt tijdverlies gebeurt eigentlijk o’j joen horloge verloren zijt.

–

O’j vrede wilt thuus moe’j doen wat joen vrouwe zegt.