Rare gedachten

’t Is beter te eindigen met zeer, dan zeer te hebben zonder ende.
–
Kiekens: het zijn de enigste beesten die we opeten voor dat ze geboren zijn, én achter da ze dood zijn.
–
Lege koppen hebben rare gedachten.
–
Om innerlijke rust te krijgen moe’j voortdoen en afmaken wuk da’j begunnen zijt.
–
Ook al hè ‘j miserie met etwodde, je moet daarom zelve geen miserie zijn.
–
Je ziet pas joen vrouwe of joene vint geiren o’j ze of hem niet wilt verbeteren.
–
d’ Er zijn menschen die van olles zou’n doen, om toch maar nieten te moeten doen.
–
Van al de dingen da’k ooit verloren zijn, misse ‘k ik mijn verstand toch het meest.
–
W’en t’ol gezien en gedaan, maar we zijn ’t meeste d’ervan vergeten.
–
Vandaag is de morgen waar over da’j gisteren over sikaneerde. –
Onze geest bestaat uut stief veel goe gedachten, ’t is ollene nie gemakklijk om d’er een uit te peuren.
–
d’Er is een stijve grote gelijkenisse tussch’n è slekke en ne mens: ge moet joen nekke uitsteken om vooruit te kunn’n gaan in ’t leven.
–
Leert joen regenbogen te tellen in plaats van joen kwade vlagen.
–
’t Is beter van een klein beetje te verstaan dan heel vele mis te verstaan.
–
Ge moet leren van ’t verleden, leven voor vandage, uitkijken naar morgen en vandachternoene è tukske doen.
–
d’ Er bestaan 3 soorten van menschen: menschen die leren deur te lezen, menschen die leren deur goed te kijken en menschen die leren deur hunder vingers te verbranden.
–
Ge moet joen ogen goed openhouden voor da’j trouwt en half sluiten o’j getrouwd zijt.
–
Ge meugt nooit rapper rijden dan joen engelbewaarder kan vliegen.
–
Het is gemakkelijker vrienden te maken met joen oren dan met joene mond.