De grootste vleiege van de weireld

° De eigenliefde is de grootste vleiege van de weireld.
° ’t Is moeilijker om geluk te verdragen dan ongeluk te verdragen.
° Moesten we zelve geen gebreken hebben dan zou’n we geen plezier hebben om die in anderen te ontdekken.
° We beloven naargelang da we hopen en we komen na naargelang we vrezen.
° Nuus eigenbelang spreekt ol de talen en pakt al onze gedachten.
° Men is nooit zo gelukkig of ongelukkig da we peinzen da we zijn.
° Zwijgen is de beste remedie voor entwie die zijn zelven niet vertrouwt.
° Wat menschen vriendschap noemen is olleene maar gezelligheid waarbij eigenliefde ossan entwot wint.
° De menschen klagen ollemoale over hun geheugen maar nooit over hunder jugement.
° Nuuzen geest is altijd de zot van nuus herte.
° ’t Is niet daj joen verstand kent daj daarvoren joen herte kent.
° We zijn met nieten kwistiger dan met goe’n raad.
° Met de joaren groeien de gebreek’n van uuzen geest en nuuze kortzichtigheid.
° Men wordt het gemakkelijkst bedrogen als men peinzt slimmer te zijn dan een ander.
° Geweunlijk boffen we om zelve beboft te worden.
° ’t Is nie genoeg goe eigenschappen te bezitten, ge moet ze ook gebruiken.
° Nuuze deugden worden door nuuze belangen verzwolgen lijk de stromen door de zee.

° De drang om slim te zijn houdt nuus tegen om slim te zijn…
° Wie zonder zottigheid leeft is niet zo verstandig lijkt datt’en peinzt.
° De trots wil geen schulden hebben en de eigenliefde wil nieten betalen.
° Belangen brengen olle soorten van deugden en ondeugden naar boven.
° d’ Er bestoat geen enkele mens die slim genoeg is om al het kwaad datt’en doet in te zien.
° We kijken geiren deur andere menschen heen, maar we willen zelf niet doorzien worden.
° ’t Is een stomme ziekte oj joen gezondheid met een streng diëet moet bewaren.
° d’ Er bestaan slechte menschen die minder gevoarlijk zou’n zijn moesten ze in ’t geheel niet goeds zou’n hebben.
° Het gemoed heeft meer gebreken dan de geest.
° d’ Er bestaan vele dwazigheden die zich als besmettelijke ziekten uitbreiden.
° Zwakke menschen kunnen niet oprecht zijn.
° Jaloezie bestaat meer uit eigenliefde dan uit ware liefde.
° We kommen uut met nuuze kleene gebreken om de weireld te overtuigen dat we geen grote gebreken hebben.
° Koleire is onverzoenlijker dan haat.
° Zelfbeheersing is lijk regiemen ; men zou graag meer willen eten moar men vreest zijn mage te bederven.
° ’t Is een vorme van geluk om te weten in hoeverre ge ongelukkig kunt zijn…
° Nogal wat pubers peinzen dat ze naturel zijn als ze grof en onbeschaafd naar voren kommen.