Ferme beslissingen

 Hoe dikker ’t gat hoe groater de broek.

Ge moet uplett’n van ’t achterste van e peird en ’t voorenste van e vrouwe.

De menschen moaken zich ‘t groatste deel van under leev’n zorgen voar ding’n die nooit gebeur’n.

Mijn psychiater vindt da k’ikke schizofreen ben, moa widder vind’n van nie.

Kwoakt de eende en zwemt de vis, dan verandert ’t weere of ‘t bluuft lijk dat ’t is.

Wie dat te lange wacht voar ne stap te zett’n, bluuft heel zin leev’n up één been stoan.

E deursnee vrouwe sprikt viftig percent meer da dan ne deursnee vent luustert.

Vinten die schuuffelen achter vrouw’n kunn’n schuuffelen achter een vrouwe.

’T probleem mi nieten doen is da’j nie weet wanneer da’j d’ ermee moe stoppen.

E kiend he’t meestol de heissens van zin voader, omdat zin moeder d’heure nog he’t.

Viftig jaar zijn is ne geestige leeftied; voaral o’j zelve tjestig zijt.

Joaren van liefde worden in de hoate van één minute vergeet’n.

Zoekt de slimmigheid van den ouderdom, maar bekikt de weireld deur d’oogen van e kind.

Den dezen die ossan noar zijn gebeurs kijkt, verdroait up nen dag zijn nekke.

Woar da’j ook stoat, je stoat ossan up etwiens zin tenen.

E percent hulpe is beter dan hoendert percent compassje.

Van een schoederklopke is ’t er nog nooit etwie gekwetst gewist.

Er bestoan geen redens om nie gelukkig te zin, moa we zoeken wel duust excuuzen om ’t nie te zin.

Zond’r tegensloagen, kabbelt het leev’n toch moa verveelend verder.

Vandoage is ne dag voor ferme beslissingen, of ist e zo nie misschiens?