Spreuken en gezegden te Izenberge

Men kan niet schijten al vliegen: iets toch niet zo rap kunnen, onnodig aan te jagen.
–
Die nie besnot is moe zn neuze nie vagen: wie niet schuldig is moet zich niet verontschuldigen.
–
Gesneên en genezen.
–
Men kan geen wijn tappen uut ’n anzielvat.
–
En hét meer snot in ze neuze of geld in ze beuze: wordt gezegd van iemand die het hoog op heeft.
–
En hét vele wind in z’n broek: het is een hovaardigaard.
–
Een ander mag ton uut é vule pot eten : de vuiltjes kuisen.
–
Is lange weg, die nooit én komt.
–
Die ze gat verbrandt goa moeten op de bledders zitten (bledders : blaren).
–
]e kijkt lik é zieke koe op en hond
–
E je ’t zwijns gat é kust té ben je vies gezind?
–
J’ het er zovele verstand van, of é zwijn om telen te lekken.
–
Hij of zij heeft al in veel waters gewassen gewist.
–
Dat ’t werken een zwijn ware, hij zou ’t de 25 december dood doen.
–
Alle goaten zijn trekgoaten zei de vint, en é sloot de schapraaideurs.
’t Zijn sterke benen die de wilde kunnen droagen; wilde: weelde.
–
Je zoedt én hoend in ze koente bijten : niet meer weten waar aanvangen van miserie of tegenslag.
–
’t Is verkeerd en gheele verdroaid, woa dat ’t hoantje zwygt en ’t hennijge kraait.
–
Kijkt en uil in ze gat otten gin puyden é schijt.
–
Je moe lange werken eer da’ j honderd kilo’s weegt.
–
Werken is zalig moa leeg lopen is heilig.
–
Je goa wel zichten da j’t gruys hoedt.
–
Schoone liejges é deuren dikkers nie lange.
–
E kort liejge is gauw é zongen.
–
Twee zielen in een kloeffe: twee zielen in een zak.
–
Sint Lievin zit in mijn rik: ik zit geplaagd met reuma.
–
Woa da Ons Heere al zijn schoon brood in steekt: wordt gezegd van een dommerik.
–
E’ stroo zien in én anders ooge, en de bundel nie zien op z’n eigen rik.
–

L. Vanheule in Bachten de Kupe van 1969