Tusschen de zaterdag en de zundag

 Kiest è job daj geiren doet en ge gaat van heel joen leven geen dag moeten werken.
–
Oj een familie hèt die joen geiren ziet, è paar goeje moaten, eten up joen tafel en è dak boven joen hoofd, wel dan zie’j nog rijker dan da ‘j peinst.
–
Nen foto is een fragment van joen leven dat niet meer goat werekeeren.
–
Ne creatieven mens is è kind dat overleefd hèt.
–
Het is nooit te late om joen leven te veranderen en nooit te late om joen leven te leven.
–
Weten, peinzen, dromen. ’t Is daar ollemoale!
–
Ge meugt nooit achter joen kijken, moeste Assepoester weregekeerd zijn om heur schoe te vinden zou’t ze nooit een prinsesse geworden zijn.
–
Probeert è keer nen mens te zijn die anderen courage geeft. De weireld loopt ol vul genoeg met kritikeurs.
–
Zorgt dat joen dromen joen leven upfretten zo dat je leven joen dromen nie kan upfretten.
–
’t Is niet dat geen tijd hebt, ’t is da ‘j d’er geen pakt.
–
Doet è keer lijk ne boom, verliest joen bladen en houdt joen stam. Verandert van gedacht maar houdt joen aan je principes.
–
Ge moet stief content zijn daj kunt lachen met joen eigen, d’er komt geen ende aan joen plezier.
–
Verliest geen tijd aan zaken daj toch niet kunt veranderen.
–

’t Leven is te kort om joen ziek te maken aan menschen die ’t eigenlijk niet eens verdienen om d’ er in rond te lopen.
–
Hoe da’k me voelen? Wreed simpel: o’k nen andjoen pel is ’t hem die blèt.
–
Negeert de menschen die achter joen rugge klappen, want zo staan daar up under plekke binst da ‘j gie vooruitgaat in joen leven.
–
De schoonste erfenis die een ouder kan achterlaten voor zijn kind is alle dage è beetje van zijn tijd.
–
Oj alle dage joen beste doet om normaal te zijn, ga ‘j nooit buitengewoon zijn.
–
Er zijn twee dingen die joen tegenhouden om gelukkig te zijn; leven in ’t verleden en zich bezig houden met wuk dat de menschen peinzen over joen.
–
Het leven is lijk ne veelo; ge moet vooruit goan om joen evenwicht niet te verliezen.
–
Ge weet da ‘j up den goen weg zijt in joen leven oj geen goeste meer hebt om were te keren.
–
Begunt waar da’j zijt, gebruikt wuk da ‘j hebt en doet wuk da’j kunt.
–
Mijn nieuwjaarswenschen: meer dromen, minder klagen, meer luisteren, minder babbelen, meer geiren zien, minder kwaad maken, meer hopen, minder vrezen, meer ontspannen, minder zenuwachtig zijn, meer geloven, minder twijfelen, meer spelen en minder werken. Santé!
–
De schoonste reize is niet op zoek gaan achter nieuwe plekken maar achter nen nieuwen kijk.
–
Olleene goa’j rapst, tegoare goa’j verst.
–
‘k Hèn werkelijk nood aan een dag tusschen de zaterdag en de zundag.