Tusschen zeggen en doen

 Ne mens die meer wilt dan dat ’n verdient, verdient meer dan dat ’n wilt.
–
De eerste tekens van slimmigheid zie’je o’j de volumeknop van de radio ook naar links kunt draaien.
–
Moeders menu bestoeg uut twee zoaken: “fret het up” of “laat het stoan”.
–
Ge moet zelve de veranderinge zijn da’j wilt zien in de weireld.
–
Ge stopt nie van lachen o’j oud komt, moar ge komt oud o’j stopt van lachen.
–
Maakt liefde of maakt oorloge. Of doet de twee tegoare: trouwt.
–
Ge meugt nie bijgelovig zijn want dat brengt ongeluk.
–
Tusschen zeggen en doen zijn d’er ol vele paren schoenen versleten.
–
De schoonste passie is compassie.
–
Het zeer van vandage is onze nafte voor morgen.

’t Is niet ‘t verschil tusschen de menschen die è probleem is, ’t is de onverschilligheid.
–
’t Is beter van joen vingers te tellen, achter da’j hem nen hand gegeven he’t.
–
Niemand komt oud van te leven, maar wel van niet meer te willen leven.
–
De beste dingen in ’t leven zijn voor nieten.
–
Onthoud deze gouden regel: wie da ’t goud heeft, maakt de regels!
–
Ol da’j moet doen is ademen, de rest is een optie.
–
Hij is zo subtiel lijk è vliegende brieke.
–
E’n is zo verward lijk Adam up moedertjesdag.
–
E’n is o zo nerveus lijk nen kalkoen up kerstdag.
–
Haat is lijk kanker, ’t fret ons è beetje met de keer weg ol binnen.