Pintjes en kouzyntjes

De menschen overtyd goung te voete toet Eecke
Azo wel in de kerke of om te kerremessen
Een dag om te lezen en dagen om te drinken
In de negen dagen…. weet je nog van Arneke?

Ze kwaamen were al zingen oek dikkers al wemelen
Een droppel wyg waeter maer oek een paere pintjes
De familie was daer en zelve “de kouzyntjes”
Die in ’t middel van ’n nacht hadde goeste van spelen!

Herbergen in dien tyd azo vele of kapellen
Vele kristlikke menschen en zyn nie dood van ’n durst
Maer te vele is te vele, zeid “kouzyntje” die hurtst

Hèt God nooit verboden van van een pintje te drinken?

Me zyn nu meer benouwd van gendarme of “kozyntjes”
De gendarmen leven …. zyn “de kouzyntjes” dood?
Neens, ze leggen te bedde en de voeten zyn blood,
Zout ’n gendarme nooit klagen van ze beste “vriendjes”?

–

November 1996
Jean-Noël Ternynck
in
‘Van de Leie toet de Zee’
Kleene Vlamsche en Fransche gedichten uit Frans-Vlaanderen