Waar ’t haantje zwijgt en d’hinne kraait

 Trouwen en is geen kinderspel:
al die trouwen, ze weten ’t wel!
–
Trouwen is leutig,
spijtig van d’achtersmake
–
Trouwen is wel
maar niet trouwen beter
–
Trouwen verslaat den dust
–
Tusschen lepel en mond
valt er vele pap op de grond
–
Tusschen zeggen en doen
verslijten vele schoen’
–
Er waait wind
uut al de gaten
–
’t Ware goen vis
moest’n w’hem kunnen vangen.
–
Twee keren lauw
is nog nie warme
–
’t Zal wel uutkommen zei de zot
en ne zoaide zoagmeel
–
’t Zijn gelukkige voeten
die een gezond lijf kunnen dragen
–
Uit andermans zak
is ’t goed tellen
–
Van buiten mooi
van binnen strooi
–
Vandoage koe en peird
morgen kop noch steirt
–
Vandoage nen lach
en morgen is ’t ach
–
Van de zoetste wijn
krijgt men de scherpste azijn
–
Van enden en tuiten
komen centen en kluiten

Van horen zeggen
komen de leugens in ’t land
–
Van ne zot verweten
is gauwe vergeten
–
Van niet te eten
langen de dagen
–
Van te weinig in de kele
sterven d’er minder dan van te vele
–
Vroeg slim, vroeg zot,
vroeg rijp, vroeg rot
–
Vrouwen, pauwen en peirden
nieten preuscher op der eirden
–
Vrouwentonge is klokkenzeel;
weet ze ’t half, ze luidt het heel
–
Vrouw gierig en man bierig
komen zelden overeen
–
Waar ’t haantje zwijgt en d’hinne kraait,
wordt alles ondersteboven gedraaid
–
Weglopers
plekke verkopers
–
Wilt ge lange leven, zwicht u dan van;
wijntje
Katrijntje
en chagrijntje.
–
Woorden zijn winden
geschriften binden
–
Ze blinken lijk de pauwen
en ze stinken lijk de fisjouwen
–
Kijkt naar ’t gaatje in de kele
’t is smal maar ’t kost wel vele
–
Zonder peinzen spreken
is zonder mikken schieten
–
Zotten blijven zotten
zelfs al drinken ze uit gouden potten