Ze bluuft dikkers stroppen

Vroeger, ten tyde dat ‘De Yverige Kunstgenieters’ van Pollinkhove nog toneel speelden, wos ’t Wiesten Plancke die d’hoofdrolle moeste speelen in ‘De Deserteur’. Dat wos ’n oorlogsdrama in drie bedryven. Wiesten speelde daarin ’n gepensioneerden kolonel van ’t leger, die è zeune hadde, die oek ’n oppersten van ’t leger wos.

In de twee eerste bedryven hadde dien kolonel oltyd ongehoord è boft, dat zyn zeune dapper aan ’t vechten wos in den oorloogen maar op è nuchtend, dat ’n met zyn madam aan tafel zat, kwaamen ze zeggen, dat ’n van ’t front weg è loopen wos en è pakt als deserteur…. Van klaare alteratie viel ’n kolonel dood binst dat madam erby stond.. Dat wos ’t triestig ende van dat drama!

Meester Verziepe, die ’t spel aanleerde, hadde goed uuteen è doan teegen Wiesten hoe en waar op de scène dat ’n moeste doodvollen, opdat het meest ging pakken by de menschen in de zaale….

Aan Toone Verschoore had ’n explikeerd hoe dat’n op ’t laatste, de gordyne moeste neerelaaten…

‘Horkt!’, zei meester …’ols de kolonel daar ligt en dat madam ol krijschen zegt – och God, nu zal ik nooit zyn zachte stem meer hooren!’ – toen moe’je styf traage de gordyne neerelaaten.’

‘Jamaar, meester’, zei Toone,…’je weet dat ze dikkers bluuft stroppen, ols je ze traage neerelaat!’

‘Jaak!’, replikeerde meester …’maar we gaan vanonder aan de gordyne, in elken hoek è stik lood monteeren, ze ga wel beter neerekommen!’

’t Wos den dag dat ze speelden en olles verliep goed. Wiesten wos in zyn element als kolonel en ze kwamen aan de laatste scène van ’t stik. De kolonel en zyn madam zaaten aan tafel ols er è officier met de maare kwam dat de zeune è pakt wos.

In Urinary problems: Black Musli acts cute-n-tiny.com order viagra sample as diuretic and boosts the sensitivity in the area surrounding the feminine reproductive system. The most common is Peyronie’s disease and penile curvature. cialis generic cipla This type of online prescription cialis still is not so much create sexual longing in ladies as it may have adverse effects on them. Leading Learning Communities: 100mg viagra cost Standards for What Managers Should Know and Be Able To Do.

‘Nu moe’k ’t schoone doen’, peinsde Wiesten in zyn eigen.. ’n sprong rechte, stak zyn armen in de lucht en riep: ‘Schande! Eeuwige Schande! Waar heb ik dat verdiend?’ en meteen poefte ie neere djuuste waar dat ’t meester è zeid hadde..De menschen in de zaal hielden hulderen asem in ols ze madam zaagen neereknielen by de kolonel…

‘Och God!’, riep ze ol kryschen…’nu zal ik nooit zyn zachte stem meer hooren!’. …Toone begoste de gordyne neerelaaten…Maar met dat gewichte, schoof de koorde deur zzyn handen en poefte dat stik lood djuuste op Wiestens kop!

‘Aai, nondedjuu!’, schreeuwde Wiesten… Geheel de zaale schoot in è luiden lach.

Fientje van de kosters, die op d’eerste reeke zat nevens madame van de burgemeesters, peinsde dat ’t olzoo moeste zyn en ze klapte in heur handen en riep ‘bravo!!’

‘Speelen ze schoone ennée’, zei Fientje teegen madam, die in slaape è vollen wos, maar wakker schoot van Wiestens schreeuw.

‘Ongehoord schoone!’, knikte madam…’en Wiesten doet dat zoo natuurlyk!’

–

Kwaak in De Ijzerbode van 1994