‘Ga je ’n è keer kuischen dè?’

’t Wos achtdaage voor Kerstdag en ongehoord schoon weere voor den tyd van ’t jaar.

Risten Schelle wos thulders voor de deure bezig met zyn auto of te wasschen en Fonten Vermote, zyn gebeur, die in de routen wrochtte, maar in die daagen in congé wos, stoeg in zyn deuregat te kyken. Achter è moment kwam Fonten ol lutsebalieren tot by Risten. Ie bleef daar staan kyken met zyn handen diepe in de beurzen van zyn lafonnen broek, knabbelde è keer op zyn sjieke en begoste de volgende conversatie; ‘Ga je ’n è keer kuischen dè?’

‘Is ’t misschien nog niet noodig, peins je!’, grolde Risten …’je moet è keer kyken, je ziet haast niet meer wuk dat ’t voorenste of ’t achterste is, van klaare slyk en vuiligheid!’

‘Jamaar, ’t is alzoo’, knikte Fonten…, ‘maar van è anderen kant, we meugen olgelyk niet klaagen van ’t weere…’t is profytig in de viermaaking…kykt è keer, è je dat nog è weeten, de muggen speelen daar nog booven de kappe van j’n auto in de zunne, ’t è nog nooit è weeten è wist zeker!’

‘Dat zyn nu ol geen winters meer gelik in nuuze jonge jaaren ennée’, zei Risten binst dat ’n è seule water met è fermen zwaai teegen de wielen van z’n auto smeet.

‘Maar ’t zyn begot oek geen zomers meer gelik vroeger!, zei Fonten en è spoog zyn sjieke uut in de goote.

‘Daar zit het zi!’, zei Risten, …”k hèn ik oltyd è weeten, onke kleene wos, dat ’t rond Kerstdag ol ferme vroos en sneeuwde en dat bleef bykans olty alzoo tot te maarte…Maar, van halverweege de meimaand konden ze thuus de stoove ol dood laaten en ze wos niet meer ontstooken tot aan den hommelpluk!’

Ze zwegen è moment.

‘Van wuk voor jaar zy je gy?’, vroeg Fonten.
The great endeavor of Ajanta Pharmacy brought an effective generic version of the generic cialis pharmacy . There is a massive body of scientific research on the internet before ordering viagra buy cheap choose here them online. The website is also very professional and contains comprehensive information uk tadalafil regarding the popular natural male enhancer. It also provides option for the ED suffering patients because best price levitra of its profound impact on killing bacteria. ‘Van ’t jaar tiene’, zei Risten.

‘Ik, van achttiende, djuuste achter de oorlooge’, zei Fonten …..’Maar weet je wuk, myn broers zeune, die schoolmeester is, zegt dat dat ol klaps zyn van d’ oude menschen over die straffe winters van overtyd! Dat er oek zulke zachte winters waaren gelik nu!’

Risten, die djuuste bezig wos met zyn sponse uit te spoelen, sprong rechte…’Wuk weet die snotneuze daarvan, ’t is nog maar è kind!’, riep Risten.

‘Héwè, ie zegt dat dat beschreeven staat in de boeken!’

‘In de boeken!’, grijnsde Risten…’in de boeken schrijven ze wuk dat ze willen, vent. Maar ik klappen van hetgeene da ‘k met m’n eigen oogen è zien hèn onke in mien opkommen wos.

‘….’k Hèn dikkers genoeg è zien dat mien vader rond Kerstdag ging gaan schaverdijnen de zundag op de vaart…. en dat duurde weeken aan è stik! En ‘k hèn oek veele keeren è zien dat mien vader met è paar hooge soldaatebotten aan, van binst de oorlooge, deur de sneeuw moeste klawieren om naar zyn werk te gaan…..Maar ‘k hyn nooit geen een keer è zien dat ’n rond Kerstdag zyn auto koste ofwasschen buuten voor de deure!’….

–

Kwaak in ‘De Ijzerbode’ van 1986